Minahasa Raya Net

 

Jangan bilang pa Oma

Posted by Ebol on 26/11/2001, 1:09 pm

 

Opa dari gunung mo berangkat ke LA. Anak da undang pasiar. Jadi musti apply visa di Jakarta. Oma tako nae pesawat, jadi nyanda iko. Tinggal di kampung. Opa pangge depe cucu yang baru saja tamat STM di Manado, ba temang akang ke Jakarta.

Sampe di US Embassy di Jakarta, Opa musti isi formulir bahasa Inggris. "Jangan tako, ada kita di sini", depe cucu bilang.

Opa baca: "Name...oohh ini kita tau depe arti nama toh?"
Cucu: "Betul Opa!"
Opa baca: "Birt place ...."
Cucu : "Itu maksudnya tempat lahir....Isi jo Amongena."
Opa baca: "Birt date...."
Cucu : "Itu maksudnya Opa pe tanggal lahir."
Opa baca : "Seks..."
Cucu : "Ado Opa....itu depe arti bagini...(sambil kase maso depe jare ibu di antara jare tengah deng jare manis)..."
Opa : "Haahhh ??.... pe capruni skali ni Amrika ini dang!.....mo tulis apa dang?"
Cucu : "Tulis jo 'Wan per wik' (One per week)."
Opa : "He..he..he..iyo dang...maar jangan bilang-bilang pa Oma neh?"